زلنسکی تۆرکیأنینگ جمهورباشلیغینا مینّتدارلیق بیلدیردی

اوکراینانینگ یوُلباشچیسی ولودیمیر زلنسکی ایستامبول دا اوکراینانینگ غاللاسی نینگ داشاری یورتلارا ساتیلماغی باراداقی قوُل چکیلن ایلالاشیق سبأپلی تۆرکیأنینگ جمهورباشلیغی رجب طیب أردوُغانا و تۆرکیأ ساغ بوُلسون آیتدی.

زلنسکی بو ایلالاشیق بیلن بیله لیکده گلوبال ایمیت قینچیلیغی نینگ آزالماغا باشلاندیغینی نیغتادی.

ولودیمیر زلنسکی لویو شهرینده تۆرکیأنینگ جمهورباشلیغی بیلن کؤپ مسئله باراسیندا گنگه‌شندیگینی آیتدی و أردوُغان ینگ اوکراینانینگ توُپراق بیتولیگی و اؤز ایغتیارلیلیغینا برن قوُلداوی سبأپلی مینتدارلیق بیلدیردی.

زلنسکی تۆرکیه بیلن اوکراینانینگ، خارکف شهریندأکی قورلوشیقلارینگ یانگاداندان دیکه‌دیلمه گی باراسیندا ایلالاشیق شرطناماسینا قوُل چکیشندیکلرینی ده حابار بردی.