روس قشونی اوکراینادا سؤودا مرکزینه هۆجۆم قورادی
واقادا اینگ آز 18 آدامینگ اؤلِندیگی بیلدیریلیأر
اوکراینانینگ دؤولت یوُلباشچیسی زلنسکی هۆجۆم قورالان بادیندا بو سؤودا مرکزینده 1000-دن کؤپ آدامینگ باردیغینی آیتدی.
اوکراینانینگ هوُوا گۆیچلری، آمستور سؤودا مرکزی نینگ روسیانینگ کورسک بؤلگه سیندن اوچان تو-22-ام 3 ساواش اوچارلاری نینگ اوران ایکس- 22 راکتی بیلن اورلاندیغینی بیلدیردی.
اوکراینالی ماقاملار بو هۆجۆمده اینگ آز 18 آدامینگ اؤلِندیگینی حابار بریأر.
یارالانانلارینگ سانی دا 59 آدام دییپ بیلدیریلدی.
آلمانیادا ماصلاحات گچیرن گ- 7 توُپاری نینگ یوُلباشچیلاری دا بو هۆجۆمینگ "ساواش جنایاتی" بوُلاندیغینی آیتدی.
بیرلشن میللتلر قوراماسی دا هۆجۆمی یازغاردی.
آمریکانینگ داشاری ایشلر وزیری آنتونی بلینکن ده بو هۆجۆمینگ قوُرقونچ بوُلاندیغینی آیتدی و هۆجۆمی یازغاردی.
کرمنچوک شهرینده قورالان بو هۆجۆم بارادا ماغلومات برن شهرینگ حأکیمی دمیترو لونین هۆجۆمی ترورچیلیقلی هۆجۆم دییپ ایغلان اتدی و سؤودا مرکزی نینگ قوُلاییندا هیچ حیلی حاربی مرکزینگ بوُلماندیغینی بیلدیردی.
دِگیشلی حابارلار
آمریکادا غزه حالقینا قوُلداو یؤریشلری دوُوام ادیأر
آمریکانینگ دۆرلی بیلیم یوردوندا ایسرائیلا قارشی یؤریش قورولیار