زلنسکی: ۱۰۱۶ یاشاییش یرینی ایزینا قایتاردیق

اوکراینانینگ جمهورباشلیغی ولودیمیر زلنسکی روسیانینگ اوکراینانی باسیپ آلماغی نینگ کریمه دن باشلاندیغینی و روس قشونی نینگ سوُنگوندا بو یردن چیقماغا مجبور بوُلجاقدیغینی آیتدی.

ساواشینگ 90-نجی گۆنۆنده تلگرام اولغامیندان بیانات برن زلنسکی اوکراینانینگ قشونی نینگ روسیا قارشی یوردونی قوُراماغا دوُوام ادیأندیگینی و 3 آیینگ اؤردن قین گچندیگینی یاتلاتدی.

زلنسکی "بولار روس اشغالچیلاری نینگ اۆچ آیلیق ساواش جنایاتلاریدیر. هۆجۆمینگ، ییقیلیشلارینگ و قاباولارینگ اۆچ آیلیق دؤوریدیر" دیدی و اوکراینانینگ ۱۰۱۶ یاشاییش یرینی روسلارینگ اشغالیندان آزات ادندیگینی بیلدیردی.

روسیانینگ اۆچ آیدا ینگیش قازانیپ بیلمأندیگینی و شوُل سبأپلی روس قوُرانماق وزیری سرگی شویگونینگ "بیلگیشله یین حرکتیمیزی یووشالاتدیق" دییپ باهانا تاپیاندیغینی نیغتان اوکراینالی یوُلباشچی،

"30 مۆنگه قوُلای روس عسگری اؤلدی. 200-دن کؤپ اوچاری یره قاچدی. مۆنگلرچه روس تانکی، اولاغی و یاراغی یوُق ادیلدی. روسیانینگ راکتلری قوتارماغا یاقین"دیدی.

روسیانینگ دوُنباس دا اۆستۆنلیک قازانماجاقدیغینی قوُوی بیلیأندیگینی و مونگا قارامازدان شوُل یری دوُلولیغینا اشغال اتمه ک اۆچین حرکت باشلاداندیغینی آیدان ولودیمیر زلنسکی،

"روس اشغالی دوُلولیغینا کریمه دن باشلادی. بو، روس دؤولتی نینگ اوکراینا بیلن باغلانشیقلی یالنگیشلاری نینگ ایلکینجیسی دألدی اِمما روسیانینگ اؤزی اۆچین ایلکینچی اؤلۆمچیل یالنگیشی بوُلدی" دیدی.