اوکراینادا عاداتدان داشغاری یاغدای ۹۰ گۆن اوزادیلدی

اوکراینانینگ یوُلباشچیسی ولودیمیر زلنسکی یورتداقی عاداتدان داشغاری یاغدایینگ و حاربی قانون اولغامی نینگ ینه ۹۰ گۆن دوُوام اتجکدیگینی بیلدیردی.

اوکراینانینگ مجلیسی نینگ اینترنت سایتیندا بریلن ماغلوماتا گؤرأ بو قانون تاسلاماسی 320 وکیل تاراپیندان قوُلدانیپ مجلیسده قابول ادیلدی.

قابول ادیلن قانون تاسلاماسی اوکراینانینگ جمهورباشلیغی ولودیمیر زلنسکی تاراپیندان دا تاصصیقلاندی.

شیله لیک بیلن عاداتدان داشغاری یاغدای و حاربی قانون 23-نجی آگوست گۆنۆنه چنلی دوُوام ادر.

اوکراینانینگ جمهورباشلیغی روسیانینگ هۆجۆمی سبأپلی 24-نجی فِورال دا اوکراینادا عاداتدان داشغاری یاغدای و حاربی قانون ایغلان ادیپدی.

بیله کی تاراپدان اوکراینانینگ قشونی ساواشینگ باشیندان بأری اؤلدۆریلن روس عسگرلری نینگ سانی نینگ 29 مۆنگ 50 سانینا یتندیگینی بیلدیردی.

اوکراینا قشونی نینگ برن ماغلوماتینا گؤرأ دۆین 200 روس عسگری اؤلدی.

اوکراینا شو واغتا چنلی روسلارینگ 204 اوچارینی، 170 دیک اوچارینی، 1285 تانکینی، 3 مۆنگ 141 سووتلی اولاغینی، 599 توُپونی، 201 راکت اولغامینی و 93 هوُوا قوُراغ سیستمینی یوُق ادندیگینی بیلدیردی.

روسیانینگ قوُرانماق وزیرلیگی 25-نجی مارت دا اوکراینادا 1351 روس عسگری نینگ اؤلِندیگی بارادا ماغلومات بریپدی.