اوکراینانینگ یوُلباشچیسی بیرلشن میللتلر قوراماسینی تانقیت اتدی

اوکراینانینگ جمهورباشلیغی ولودیمیر زلنسکی بیرلشن میللتلر قوراماسی نینگ حوُوپسوزلیق گِنگه‌شینه بیانات بردی.

زلنسکی اوکراینادا 2-نجی جاهان اورشیندن بأری اینگ اربت جنایاتلار بوُلاندیغینی آیتدی و "روسیانینگ بوچا و اوکراینانینگ بیله کی شهرلرینده ادن جنایاتلاری سبأپلی جوُغاپکأر گؤرکِزیلمه‌گینی" ایسله دی.

روس قشونی نینگ بوچا شهرینده "زنانالار، چاغالار و ماشغالالاری اؤلدۆرندیگینی، جستلری یاقاندیغینی و تجاوز ادندیگینی" اؤنگه سۆرن زلنسکی، روسیانینگ ادن ایشلرینی داعش بیلن دنگِشدیردی.

اوکراینالی یوُلباشچی "حوُوپسوزلیق گِنگه‌شی نیره ده؟ بیرلشن میللتلر قوراماسی نینگ ماقصادی پاراحاتچیلیغینگ دۆیبۆنی توتماقدیر اِمما شو واغت بیرلشن میللتلر قوراماسی نینگ ایلالاشیغینا پأسگل بریلیأر. بیرلشن میللتلری یاپماق ایسله یأنگیز می؟ اگر مونی ایسله مه یأن بوُلسانگیز شو واغت ایشه باشلانمالیدیر. بیرلشن میللتلر قوراماسی نینگ اینگ قیسغا واغتدا رفرما أتیأجی بار" دیدی.

روسیا بوچا شهریندأکی قیرغینچیلیق باراسینداقی حابارلارینگ "آصیلسیز و یالان بوُلاندیغینی" بیلدیریپدی.

روسیانینگ داشاری ایشلر وزیری سرگی لاوروف اوکراینانینگ بوچا شهرینده یؤنه کی یاشاییجیلارینگ اؤلدۆریلندیگی باراداقی فتوصوراتلارینگ توُسلاما (تقلبی) بوُلاندیغینی آیتدی و گۆن باتارلی یورتلاری تانقیت اتدی.

بوچاداقی یاغدایلار سبأپلی گۆن باتارلی یورتلار روس دیپلماتلارینی قوُوماغا باشلادی.