روس گۆیچلری خارکف داقی ولایات حأکیملیگی نینگ جایینی اوردی

اوکراینا هۆجۆم قوران روسیانینگ قشونی، خارکف دا ولایات حأکیملیگی نینگ بیناسینی راکت بیلن اوردی.

اوکراینانینگ قشون باشلیقلیغی اوکراینا هۆجۆم ادن روس گۆیچلری نینگ 5 مۆنگ 710 عسگری نینگ اؤلدۆریلندیگینی بیلدیردی.

خارکف دا ارکینلیک میدانینداقی بیله کی یرلر ده اولی ضلل گؤردی.

هۆجۆمده اوکراینانینگ 6 یورتداشی اؤلدی. اؤلنلرینگ بیری چاغا.

خارکف ینگ ولایات حأکیمی اوله سینیهوبوف شهرینگ گیجه بوُیی راکت بیلن اورلاندیغینی آیتدی.

اوکراینانینگ جمهورباشلیغی زلنسکی ده روسیانینگ 5 گۆنده اوکراینا 56 راکت هۆجۆمینی قوراندیغینی آیتدی.