بریتانیا سانجیم تاپغیرینا باشلادی

"فایزر- بیون تک" شأریکلیگی نینگ اؤندۆرن کروناویروس سانجیمی ایلکی 90 یاشینداقی مارگارت کینانا ادیلدی.

کینان 91 یاشینا گیرمِزدن بیر هپده اوُزال بریتانیانینگ مرکزینده کاونتری دأکی یرلی کسلحانالاردان بیرینده شو گۆن ایردن سانجیم ادیلدی.

بیرینجی تاپغیردا یورت بوُیونچا 400 مۆنگ آداما سانجیم ادیلر.

سانجیم ماقصاتناماسینا اساسی مرکزلردن و کسلحانالاردان باشلانیار.

کأبیر استادیوم و اسپورت مرکزلری یالی گینگ یرلر هم سانجیم اۆچین پیدالانار.

ماشغالا لوقمانحانالاری و درمانحانالار هم ماقصاتناما دگیشلی ادیلدی.

بیرینجی تاپغیردا بریتانیادا 50 کسلحانا بریلن سانجیملار 70- درجه سوُویق هوُوادا ساقلانیار.

بلژیک دن انگلستانا ایبریلن فایزر- بیوان تک سانجیملاری آنلاین اولغامدا دا ایزارلانیار.

سانجیم 3 هپدأنینگ دوُوامیندا ایکی دُز گؤرنۆشینده ادیلر.

قارریلار اؤیلرینده یاشایان 80 یاشدان اولی رایاتلار، قارریلار اؤیلری نینگ ایشگأرلری و ساغلیغی قوُراییش اولغامی نینگ ایشگأرلری ایلکینجی نوُباتدا سانجیم ادیلجکلرینگ ساناویندا دوریار.

94 یاشلی عایال شاه الیزابت 2-نجی بیلن 99 یاشلی یوُلداشی شازادا فیلیپ ینگ هم گلجککی هپده لرده سانجیم اتدیرجکدیگی حابار بریلیأر.

یورتدا کووید- 19 سبأپلی اؤلِنلرینگ سانی 61 مۆنگ 434، ویروس یوُقاشانلارینگ سانی بوُلسا 1 میلیون 737 مۆنگ 960 آداما یتدی.

انگلیس حالقی نینگ اساسی بؤله گی کروناویروسا قارشی گؤره ش بوُیونچا انگلیس حؤکۆمتینی تانقیت ادیأر.

گچیریلن سئوال ناما گؤرأ انگلیسلرینگ 57 گؤتریمی حؤکۆمتی ویروسینگ یایراماغینا گؤزه گچیلیک اتمکده یترسیز حاساپ ادیأر.

یورتدا کروناویروس چأکلندیرمه لرینه قارشی حرکت هم گۆیچله نیأر.

مشهور دۆکأنلردن بیری نینگ پایتاغت لندن دأکی شاحامچاسینا گیرمه ک ایسلأن یۆزلرچه ماسکسیز آدام کؤچأنی دوُلدوردی.

پلیس چأره گؤرۆپ 4 آدامی ساقلادی.