آلمانیادا آشاساغچیلار مِتجیتلره هۆجۆم اتمه‌ک ایسله‌یأر

آلمانیادا آشاساغچی ترور قوراماسی قوراندیغی اۆچین آننا گۆنی توسساغ ادیلن و دۆین قاضیه‌ت ایشلرینه باشلادیلان ۱۲ آدامینگ متجیتلره هۆجۆم قوراماق ایسله‌یأندیکلری بِللی بۇلدی.

اشپیگل ژورنالی نینگ برن حابارینا گؤرأ شۇل قورامانینگ باش‌توتانی ورنر اس گچن هپده میندن شهرینده بیر ییغناقدا، قوراماسی نینگ آغضالاری و قۇلداو بریأنلرینگ نیرأ هۆجۆم قورمالیدیغینی آیدیار.

کیچی متجیتلری بِللأپ، شۇل یرده ناماز اۇقایانلارا هۆجۆم اتمه‌لی دیه‌ن آشاساغچیلار، شۇل ییغناقدا ایکی آداما "یاراغ طایارلانگ" دییأر.

شۇل تۇپار، یاراغ آلماق اۆچین ۵۰ مۆنگ یورو ییغنامالی دییپ آغضالارینا آیدیار.

میندن دأکی ییغناقدان بیر گۆن سۇنگرا آلمان پلیسی ترور قوراماسی نینگ آغضالاری نینگ تلفنلارینی دینگله‌یأر و ۱۰ آدامینگ ۱۰ ایالتده هۆجۆمه طایارلیق گؤریأندیگینی آنگلایار.

سۇنگقی دؤوۆرده آلمانیادا آشاساغچیلار مسلمانلارینگ ناماز قئلیان متجیتلرینه هۆجۆم قورماغا سینانشیار.