قاسم سلیمانی نینگ کرمان داقی جینازا داباراسیندا اینگ آز ۳۵ آدام آرادان چیقدی

ایران ینگ کرمان ولایاتیندا اؤرأن کؤپ آدام سپاه ینگ قدس گۆیچلری نینگ باشلیغی قاسم سلیمانی نینگ جایلانماغی اۆچین گچیریلن دابارا قاتناشدی.

دابارادا اینگ آز ۳۵ آدامینگ آرادان چیقاندیغی و ۴۸ آدامینگ دا یارالاناندیغی بیلدیریلدی.

تهران دان ارتیر بیلن کرمان ینگ قۇنالغاسینا گتیریلن قاسم سلیمانی نینگ جینازا داباراسی اۆچین اۇن مۆنگلرچه آدام قاتناشدی.

دابارا قاتناشانلار "آمریکا اۆچین اؤلۆم"، "آر آلینسین" و "نه بۇیون اِگمه‌ک، نه ایلالاشیق، آریمیزینگ آلینماغینی ایسله‌یأریس" یالی شیغارلار بردی.