روسیا ادلب شهرینه هۇوا هۆجۆمینی قورادی

سوریه ده بشار اسد رژیمینی قۇلدایان روسیا، ادلب دأکی یؤنه‌کی رایاتلارینگ یاشایان یرلرینه ۲۴ گۆن آرادان سۇنگرا یانگاداندان هۇوا هۆجۆمینی قورادی.

محالیفلارا دگیشلی چشمه لر، روسیانینگ هۇوا گۆیچلرینه دگیشلی اوچارلارینگ ۲۴ گۆن آرادان سۇنگرا ادلب ینگ بالیسه اۇباسینا ۵ گِزِه‌ک هۆجۆم قوراندیغینی بیلدیردی.

روس اوچارلاری سۇنگقی گِزه‌ک ۱۱-نجی سنتیابردا ادلب ینگ درقوش شهریندأکی ظاهر و کفر مارس اۇبالارینی بمبالاپدی.

اسد رژیمی نینگ ده ادلب ینگ گۆن اۇرتاسینداقی یرلره تۇپ بیلن هۆجۆمی دۇوام ادیأر.

خزیران، رقایه، شیخ مصطفی و نوکیر اۇبالاری ارتیر بیلن اسد رژیمی نینگ هۆجۆمینه سزه ور بۇلدی.

تۆرکیه بیلن روسیا آراسیندا ۲۰۱۸-نجی ییلینگ ۱۷-نجی سنتیابریندا قۇل چکیشیلن ایلالاشیقدان بأری ادلب دارتغینلیغی آزالدیلان بؤلگه سینه اسد رژیمی و روسیانینگ هۆجۆملرینده ۱۳۰۰-دن کؤپ یؤنه کی رایات اؤلدی.

هۆجۆم ادیلیأن یرلردن، دورنوقلی‌راق یرلره و ایلایتا دا تۆرک سرحدینه قۇلای گؤچیأنلرینگ سانی بۇلسا ۱ میلیون ۴۲ مۆنگ آداما یتدی.