دۆنیأده ۲۵۸ میلیون بۇسغون بار

دۆنیأده دۇغدوق دیاریندان آرا دۆشن ۲۵۸ میلیون بوسغون بار.

بیرلشن میللتلر قوراماسی نینگ حالقارا گؤچ ادیلشیک گۆنی میناسیبتلی برن ماغلوماتینا گؤرأ بۇسغونلارینگ سانی ۲۰۰۰-نجی ییلدان بأری ۴۹ گؤتریم یۇقارلاپ ۲۵۸ میلیونا یتدی.

بو بۇسغونلارینگ ۴۹.۸ میلیونینا (۱۹ گؤتریمینه) آمریکا یر ایه چیلیگینی ادیأر.

آمریکادان سۇنگرا سعودی عربیستان ۱۲ میلیون بۇسغون بیلن ایکینجی یرده دوریار.

آمریکا و عربیستان دان سۇنگرا اینگ کؤپ بۇسغونا یر ایه چیلیگینی ادن یورتلار آلمانیا، روسیا، انگلستان.

بای یورتلار بۇسغونلارینگ ۶۴ گؤتریمینه (۱۶۵ میلیون) یر ایه چیلیگینی ادیأر.

۲۰۱۷-نجی ییلدا هر ۳ بۇسغوندان ایکیسی دینگه دۆنیأنینگ ۲۰ یوردوندا یاشایار.

دمیرقازیق آمریکا (آمریکا بیلن کانادانینگ) رایات سانی نینگ اؤسمه‌گی نینگ ۴۲ گؤتریمی بۇسغونلار بیلن باغلانشیقلی.

بو موقدار اقیانوسیه اۆچین ۳۱ گؤتریم.

۲۰۱۷-نجی ییلدا بۇسغونلارینگ ۲۶ میلیونی (۱۰ گؤتریمی) یوردوندان قاچان، سیغینان و پنا گتیرن بۇسغونلار.

بۇسغونلارینگ اۇرتاچا یاشی بۇلسا ۳۹.۲ یاش.

زنانانلار بۇسغونلارینگ ۴۸.۴ گؤتریمینی اؤزۆنه دگیشلی ادیأر.

هر ۱۰ حالقارا بۇسغوندان ۶-سی اوروپا و آسیادا یاشایار.

۱۷ میلیون هیندیستانلی داشاری یورتلاردا یاشایار و هیندیستان بو باباتدان بیرینجی یورت.

۱۳ میلیون مکزیکلی ده اؤز یوردونینگ داشیندا یاشایار.

روسیا، حیتای، بنگلادش، سوریه، پأکیستان و اوکراینالیلارینگ ۶-۱۱ میلیونی دا داشاری یورتلاردا یاشایار.