یمن ده اؤیلرینی تاشلانلارینگ سانی ۲ میلیون

بیرلشن میللتلر قوراماسی نینگ بۇسغونلار باراسینداقی یۇقاری کمیساریاسی یمن ده ساواش سبأپلی اؤیلرینی ترک ادنلرینگ سانی نینگ ۲ میلیونا قۇلایلاندیغینی بیلدیردی.

بریلن یازماچا بیاناتدا، یوردونگ ایچینده باشغا یره گؤچِن یمنلیلرینگ سانی نینگ ۱ میلیون ۹۸۰ مۆنگ ۵۱۰ آدام بۇلاندیغی و بولارینگ ۸۴ گؤتریمی نینگ اؤیلرینی بیر ییلدان قۇوراق واغت بأری ترک ادندیگی حابار بریلدی.

ساواش باراسیندا آلادا بیلدیرن کمیساریا، ۹۴۶ مۆنگ ۴۴ آدامینگ اؤیلرینه قایتادان گلندیگینی، یمن ده کؤپۆسی سومالی و اتیوپیادان ۶۲۳ مۆنگ ۲۸۰ بۇسغونینگ دا باردیغینی نیغتادی.

کمیساریا شۇل بوسغونلار اۆچین ۱۱۴.۶ میلیون دلار بودجه گرکدیگینی حابار بردی و بودجأنینگ ۴۷ گؤتریمی نینگ ییغنالاندیغینی اِمما ۶۱.۱ میلیون دلارا أتیأچ باردیغینی بیلدیردی.