گۆلیستان ولایاتیندا ۳ گۆن یاس ایغلان ادیلدی
آزادشهردأکی ماغدان پاجیغاسیندا اۇنلارچا ایشچی اؤلدی
725482
ایران ینگ گۆلیستان ولایاتینداقی آزادشهرده یورت کؤمۆر ماغدانیندا بۇلان پارتلامادا اینگ آز ۳۵ آدام اؤلدی.
اۇنلارچا ماغدان ایشچیسیندن حابار آلینمایار.
بارلاغ و حالاص ادیش ایشلری دۇوام ادیأر.
گۆلیستان جومغا امامی آیت الله نورمفیدی بیلن گۆلیستان ولایاتی نینگ حأکیمی صادقلو بو واقادان سۇنگرا ولایاتدا ۳ گۆن یاس ایغلان اتدی.
ایران ینگ جمهورباشلیغی حسن روحانی دا برن یازماچا بیاناتیندا واقا سبأپلی قینانچ بیلدیردی.
ماغدانداقی پارتلاما متان گازی نینگ سبأپ بۇلاندیغی آیدیلیار.
گۆن دۇغار البرز داغلارینداقی یورت داش کؤمۆری حصوصی پوداق بیلن سپاه پاسداران تاراپیندان ایشله‌دیلیأردی.
بو ماغداندا ۵۰۰ ایشچی نینگ ایشله‌یأندیگی آیدیلیار.
