عرفات حاطیرالاندی

فلسطین ینگ اوُزالقی جمهورباشلیغی یاسر عرفات، آرادان چیقماغی نینگ ۱۲-نجی ییللیغیندا فتح حرکتی تاراپیندان رام الله دا قورالان دابارا بیلن یاتلاتدی.

دابارادا چیقیش ادن فلسطین ینگ جمهورباشلیغی محمود عباس، عرفات ینگ آرادان چیقماغی باراسینداقی بارلاغلارینگ دوُوام ادیأندیگینی نیغتادی.

عباس "مانگا سوراسانگیز، قاتیلینگ کیم بوُلاندیغینی قوُوی بیلیأرین. اِمما منینگ شایاتلیغیم یترلیک دأل. بارلاغ کمیسیونی بارلاغی تاماملامالی. اینگ قیسغا مؤهلِتده قاتیللاری بیلدیرریس و هممه حالق بو نتیجه بیلن حیران قالار" دیدی.

عباس اسرائیل بیلن دوشوشیقلارینگ تأزه دن باشلانماغی اۆچین طایار بوُلاندیقلارینی بیلدیردی و "پاراحاتچیلیق اۆچین الیمیزی اوزاتماغا دوُوام ادیأریس" دیدی.

محمود عباس، گۆن دوُغار قدس شأهِری نینگ فلسطین دؤولتی نینگ باش شأهِری بوُلاندیغینا اۆنس چکدی.

حماس بیلن فتح آراسیندا هر حیلی چؤزگۆده طایار بوُلاندیقلارینی آیدان فلسطین ینگ جمهورباشلیغی، "غزه ده دؤولت یوُق، غزه سیز دؤولت ده بوُلماز" دیدی.