اۇوغانیستاندا ترورچیلیقلی هۆجۆم: ۱۳ آدام اؤلدی
کابلدا آمریکان بیلیمیوردونا قورالان هۆجۆمده ۴۴ آدام دا یارالاندی
اۇوغانیستانینگ پایتاغتی کابل داقی دارالامان بؤلگهسینده آمریکان بیلیم یوردونا قورالان هۆجۆمده ۱۳ آدام اؤلدی، ۴۴ آدام یارالاندی.
اؤلِنلرینگ ۷-سی طالیپ.
هۆجۆمچیلر ایلکی بیلن بمبا یۆکلِهنِن بیر اولاغی بیلیم یوردونینگ قۇلاییندا پارتلاتدی.
سۇنگ بۇلسا بیلیم یوردونا گیریپ اۇد آچدی.
هۆجۆم بادیندا بیلیم یوردوندا ۷۵۰ طالیپ باردی.
پنجارالاردان قاچماغا سینانشان ماحالی یارالانان طالیپلار آمبولانس بیلن کسلحانالارا أکیدیلدی.
واقادان سۇنگ اۇوغان پلیسی اۇپراسیا قورادی.
اۇپراسیا آمریکان گۆیچلر ده قاتناشدی.
هۆجۆمینگ جۇغاپکأرچیلیگینی آلان بۇلمادی.
واقادا ۳ پلیس و ۳ قۇراقچی دا اؤلدی.
تۆرکیأنینگ داشاری ایشلر وزیرلیگی بو ترورچیلیقلی هۆجۆمی برک یازغاردی.
تۆرکیأنینگ داشاری ایشلر وزیرلیگیندن بریلن یازماچا بیاناتدا تۆرکیأنینگ اۇوغانیستان حؤکۆمِتینه ترورچیلیق بیلن ساواشدا قۇلداو بریأندیگینه اۆنس چکدی.
