سوریه ده قانلی ساواشدان ۵ ییل گچدی

سوریه دأکی چاقنیشیقلار، ۲۰۱۱-نجی ییلینگ ۱۵-نجی مارت آییندا درعا شأهِرینده حؤکۆمِته قارشی یؤریشلر بیلن باشلاپ سۇنگ بۇلسا رژیم، محالیفلار، القاعدأنینگ سوریه دأکی قۇلی النصره، داعش ترور قوراماسی و YPG-لی باش بۇزارلار باشدا بۇلماق بیلن ۵ آیری تۇپارینگ آراسیندا ایچرکی ساواشا اؤورۆلدی.

بیرلشن میللتلر قوراماسی، ساواشدا شو واغتا چنلی اؤلن آداملارینگ سانینی نینگ اینگ آز ۲۵۰ مۆنگ آدام بۇلاندیغینی چاق ادیأر.

اِمما سوریأنینگ سیاسات بارلاغلاری مرکزی ۱۰-نجی فِورال دا برن ماغلوماتیندا سوریه ده اؤلِنلرینگ سانی نینگ ۴۷۰ مۆنگ آدامدان گچندیگینی نیغتادی.

۵ میلیوندان قۇوراق سوریه لی بۇلسا تۆرکیه، لبنان، عیراق و مصر یالی قۇنگشی یورتلارا باریپ بۇسغون حؤکمۆنده یاشاماغا باشلادی.

تۆرکیه ۲.۷ میلیون بۇسغون بیلن اینگ کؤپ سوریه لی بۇسغونی میهمان ادن یورت.

سوریه ده آسودا ایلاتی اؤلدۆرِنلر:

اسد رژیمی نینگ قشونی و گۆیچلری: ۱۸۳ مۆنگ ۱۴ آدامی اؤلدۆردی- ۹۵.۰۶ گؤتریم

یاراغلی محالیف گۆیچلر: ۲۸۴۶ آدامی اؤلدۆردی- ۱.۴۸ گؤتریم

آدی آغزالمادیق تۇپارلار: ۲۰۱۷ آدامی اؤلدۆردی- ۱.۱ گؤتریم

داعش: ۱۹۸۹ آدامی اؤلدۆردی- ۱.۰۳ گؤتریم

آمریکانینگ باش توتانلیغینداقی حیذماتداش گۆیچلر: ۱۹۸۹ آدامی اؤلدۆردی.

روسیانینگ گۆیچلری ۱۵۰۷ آدامی اؤلدۆردی- ۰.۲۱ گؤتریم.

YPG ۴۰۳ آدامی اؤلدۆردی- ۰.۱۸ گؤتریم

النصره تۇپاری ۳۵۴ آدامی اؤلدۆردی- ۰.۱۶ گؤتریم.

ساواشینگ ۲۰۱۱-نجی ییلدا باشلاندان بأری تاقمینان ۸۱۳ مۆنگ سوریه لی اوروپا بیله له شیگیندأکی یورتلارا سیغیندی.

مۆنگلرچه بۇسغون شو واغت شۇل یورتلارا گیتمه ک ایسله یأر و بو دا دۆنیأده بۇسغون دارتغینلیغینا سبأپ بۇلیار.

شۇل سبأپلی سوریه دأکی دارتغینلیغی چؤزگۆده قۇوشورماق مجبوریدیر.

سوریه سیاسات بارلاغلاری مرکزی نینگ برن ماغلوماتینا گؤرأ شو واغتا چنلی اؤلِن ۴۷۰ مۆنگ آدامدان ۴۰۰ مۆنگی هۆجۆملر نتیجه سینده اؤلدی، ۷۰ مۆنگی ده اساسی أحتیاچلارینی تاپیپ بیلمأن اؤلدی.

۱.۹ میلیون آدام دا دۆرلی درجه ده یارالانانی سبأپلی آرادان چیقدی.

۲۰۱۵-نجی ییلدا حالقینگ ۴۵ گؤتریمی بۇسغون یاغدایینا دوچار بۇلدی.

شو واغت ۱.۷ میلیون سوریه لی کمپلرده و چادیرشأهِرلرینده یاشایار.

چاغالارینگ ۴۵.۲ گؤتریمی اۇقووا گیتمه یأر. هر ۴ اۇقوویریندن بیری ییقیلدی یادا ضلل گؤردی یادا باشغا ماقصات اۆچین اولانیلیار.

۱۳.۸ میلیون سوریه لی ایشینی الدن بردی و هر ۳ ماشغالادان بیری برگیلی قالدی.

قاریپلیق ۸۵ گؤتریم یۇقارلادی و حالقینگ ۶۹.۳ گؤتریمی اؤرأن قاریپ.

سوریه دأکی ساواش یوردا ۲۵۵ میلیارد دلار ضلل بردی.