جان کری آمریکان کنگرهسی تانقیت اتدی
کری: کنگره ایران بیلن آمریکانینگ ایلالاشیغینی اۆیتگهدیپ بیلمر
آمریکانینگ داشاری ایشلر وزیری جمهوریتچی ۴۷ سناتورینگ ایران بیلن آلینیپ باریلیان اتم دوشوشیقلاری باراسیندا یازان حاطینی اینانیپ بیلینمهجِک بیر حاط دییپ بِللهدی.
کری "سنادا بوُلان ۲۹ ییلیمدا بیله بیر زات گؤرمهدیم. بو حاط آمریکانینگ ۲۰۰ ییللیق داشاری سیاساتینی گؤرمأنکیش بولیار" دیدی.
کری کنگرأنینگ وکیللرینینگ آمریکا بیلن ایرانینگ آراسینداقی اتمی ایلالاشیغی اۆیتگهدیپ بیلمهجِکدیگینی بیلدیردی.
موندان اوُزال آمریکانینگ ۴۷ جمهوریتچی سناتوری ایرانینگ سیاساتچیلارینا یازان حاطیندا باراک اوباما بیلن ادیلجک ایلالاشیغینگ آمریکانینگ شو واغتقی جمهورباشلیغینینگ وظیپهسینینگ قوتاران واغتیندا قوتارجاقدیغینی بیلدیریپدی.
آمریکانینگ داشاری ایشلر وزیری بو سناتورلارینگ ایشینینگ "آمریکانینگ بۆتیندۆنیأدأکی متحدلرینینگ اینامینی ییتیرمأگه سبأپ بوُلیاندیغینی" نیغتادی.
دِگیشلی حابارلار
نیجریاداقی چاقنیشیقلاردا 24 آدام آرادان چیقدی
نیجریانینگ کاتسینا ایالتینده بوُلان یاراغلی هۆجۆملرده 24 آدام آرادان چیقدی