Türkiye bilen Azerbaýjanyň arasyndaky söwda gatnaşyklary ösýär
Türkiye bilen Azerbaýjanyň arasyndaky daşary söwda kuwwady 2023-nji ýylda 2022-nji ýyla garanyňda 31 göterim artyp, 7,65 milliard dollara ýetdi
Azerbaýjanyň Döwlet Gümrük komitedi tarapyndan berilen maglumata görä Türkiye Italiýadan soň Azerbaýjan bilen iň köp söwda eden 2-nji ýurt boldy. Azerbaýjan Italiýa bilen 15,68 milliard dollar möçberinde, Türkiye bilen 7,65 milliard dollar möçberinde söwda geleşiklerini amala aşyrdy.
Azerbaýjan bilen iň köp söwda eden 3-nji ýurt bolsa 4,35 milliard dollar bilen Russiýa boldy.
Türkiye bilen Azerbaýjanyň arasyndaky söwda mukdary 2022-nji ýylda 5,84 milliard dollara ýetipdi. 2023-nji ýylda amala aşyrylan 7,65 milliard dollarlyk görkeziji bilen iki ýurduň arasyndaky söwda mukdary 2022-nji ýyla garanyňda 31 göterim artdy.
Komitet tarapyndan berilen maglumata görä Azerbaýjan 2023-nji ýylda dünýäniň 193 ýurdy bilen 51,18 milliard dollar möçberinde söwda mukdaryna ýetdi.