2023 Dünýä Ykdysadyýeti Üçin Agyr Ýyllardan Biri Bolar
Halkara pul gaznasynyň (IMF) Başlygy Kristalina Georgiýewa dünýä ykdysadyýetiniň esasy bölegi üçin 2023-nji ýylyň agyr ýyllardan biri boljakdygyny beýan etdi.
IMF-niň Başlygy Georgiýewa “CBS” teleýaýlymyna beren interwýusynda global ykdysadyýeti analiz etdi.
IMF-niň 2023-nji ýylda ressesiýanyň bolup bolmajakdygy hakyndaky soraga jogap beren Georgiýewa; “Dünýä ykdysadyýetiniň esasy bölegi üçin bu ýyl, geçen ýyldan has agyr ýyl bolar” diýdi.
Georgiýewa oňa sebäp hökmünde ABŞ, ÝB we Hytaý ýaly 3 ykdysadyýetiň depgininiň gowşamagyny görkezdi.
ABŞ-nyň iň çydamly ykdysady ulgama eýedigine ünsi çeken Georgiýewa, ÝB-niň bolsa Ukrainadaky söweş sebäpli agyr ýitgi çekendigini beýan edip, şu ýyl ÝB-ne agza ýurtlaryň ýarysynyň ressesiýa sezewar boljakdygyny beýan etdi.
Şu ýylyň Hytaýyň ykdysadyýeti üçin hem agyr ýyllardan biri boljakdygyny nygtan Kristalina Georgiýewa; “Hytaýyň ykdysady depgini hasam gowşar” diýdi.
Georgiýewa ösüp barýan ýurtlara seredilende bolsa ýokary göterim mukdarlary we Amerikan dollarynyň hümmetiniň artmagy sebäpli şertleriň hasam “agyrdygyny” beýan etdi.
