Nebit önümçiligi 10 million barrel aşakladylar
Nebit eksport edýän ýurtlaryň guramasy (OPEK) we oňa girmeýän käbir ýurtlar günlük nebit önümçiligini 10 million barrel aşakladar
OPEK-iň esasy öndürijisi we G20-niň döwürleýin ýolbaşçysy Saud Arabystanynyň ýolbaşçylyk etmeginde wideo şekilli geçirilen ministrleriň derejesindäki 9-njy Nobatdan daşary maslahata Russiýa bilen bilelikde OPEK-e girmeýän çig nebit öndüriji ýurtlaryň energetika ministrler gatnaşdylar.
Düýn sagat 17:45-de başlan maslahatdan soň şu gün 06:50-de berilen beýannamada OPEK+ atlandyrylýan toparyň günlük çig nebit öndürme mukdaryny 1-nji maýdan 30-njy iýuna çenli iki aýyň dowamynda 10 million barrel aşaklatmak hakynda karara gelendigi habar berildi.
Şol aşaklatma mukdarynyň 1-nji iýul-31-nji dekabr aralygynda 6 aýyň dowamynda günde 8 million barrel, 2021-nji ýylyň 1-nji ýanwary bilen 2022-nji ýylyň 30-njy apreli aralygyndaky 16 aýyň dowamynda bolsa günde 6 millipn barrel hökmünde dowam etdirilmegine karar berildi.
Önümçiligi aşaklatmagyň mukdarlary üçin OPEK+ agzalarynyň 2018-nji ýylyň oktýabr aýyndaky çig nebit önümçilik mukdarlaryna esaslanylar. Emma Saud Arabystanynyň we Russiýanyň aşakladyş mukdarlary günde 11 million barrellik önümçilik mukdarlaryna görä hasaplanar.
OPEK+ agza ýurtlar 10-nji iýunda wideo şekilli maslahat geçirer we global nebit bazarlarynda ýetilen soňky sepgidi seljererler.
Degişli Habarlar
Senagat Önümçiligi Artdy
Türkiýäniň Hasabat guramasy senagat önümçilik indeksiniň görkezijilerini çap etdi.