Atatürk we Sabiha Gökçen howa menzillerine 4 aýda 32 million 218 müň 911 adam geldi

Stambulyň Atatürk we Sabiha Gökçen howa menzillerine gelen ýolagçy sany üstümizdäki ýylyň ilkinji 4 aýlyk döwründe geçen ýylyň degişli döwri bilen deňeşdirilende 4 million 845 müň 581 adam artyp, 32 million 218 müň 911 adama ýetdi.

Atatürk howa menzilinde üstümizdäki ýylyň ilkinji 4 aýlyk döwründe içerki uçuşlardan 6 million 291 müň 876, daşarky uçuşlardan 15 million 225 müň 546 bolmak bilen jemi 21 million 517 müň 442 ýolagçy geldi.

Sabiha Gökçen howa menziline gelen we giden ýolagçylaryň sany 10 million 701 müň 489 adama ýetdi.