Arslan: “Hytaýdan Ýewropa uzap gidýän söwda gatnaşygynyň BTK demir ýoly arkaly amala aşmagyny maksat
Transport, deňizçilik we aragatnaşyk ministri Ahmet Arslan Hytaýdan Ýewropa çenli uzap gidýän söwda gatnaşygynyň Baku-Tibilisi-Kars demir ýol ugry bilen amala aşyrylmagyny maksat edinýändiklerini aýtdy
Ahmet Arslan Gürjistanyň Wise-premýeri, Ykdysady we durnukly ösüş ministri Dimitri Kumsişwili bilen Ankarada metbugat ýygnagyny geçirdi.
Gürjistan bilen söwda mukdarynyň 2016-njy ýylda 1,5 milliard dollara barabar bolandygyny beýan eden Arslan, şol mukdaryň artdyryljakdygyna ynanýandygyny aýtdy.
Ministr Arslan Baku-Tibilisi-Kars demir ýolunyň iki ýurduň arasyndaky ykdysady hyzmatdaşlyga uly goşant goşjakdygyny nygtady.
Türkiýe-Gürjistan özara gatnaşyklarynyň taryhy özboluşlygynyň bardygyna ünsi çeken Arslan, Gürjistanyň Türkiýäniň Kawkazdaky strategik hyzmatdaşlaryndan biridigini aýtdy.
Türkiýä Gürjistanyň territorial bitewiligini goldaýandygy üçin sagbolsun aýdan Dimitri Kumsişwili bolsa: “Biz terrorizme garşy bilelikde göreşmeli. Gerek bolan halatynda Gürjistan elmydama Türkiýäni goldar” diýdi.
Degişli Habarlar
Ter Gök we Bakja Önümleriniň Eksporty Artýar
Türkiýe aprel aýynda 211,494 000 dollarlyk ter miwe we bakja önümlerini eksport etdi.