Fitch Türkiýe boýunça ösüş çaklamasyny ýokarlandyrdy

Fitch Ratingsiň sentýabr aýyndaky global ykdysady habarnamasy çap edildi.

Türk ykdysadyýeti baradaky 2017-nji ýyl boýunça ösüş çaklamasy 4,7 göterimden 5,5 göterime çenli ýokarlandyryldy.

Habarnamada türk ykdysadyýeti baradaky täze analizlere orun berildi.

Türkiýedäki ykdysady ösüşiň Fitchiň çaklamasyndan ýokarda bolandygy barada aýdylýan habarnamada, 2017-nji ýyl üçin ösüş çaklamasynyň iýun aýyndaky 4,7 göterimden 5,5 göterime çenli ýokarlandyrylandygy nygtalýar.

Habarnamada dünýä ykdysadyýetiniň üstümizdäki ýylyň dowamynda kadalaşandygy we häzirki wagtda 2010-njy ýyldan bäri iň uly ösüşini amala aşyryp biljekdigi beýan edildi.