Uçar sapary Diýarbakyr bilen Erbiliň arasyndaky gatnaşyklarynyň ösmegine itergi berer

Türk Howa Ýollarynyň Diýarbakyr-Erbil uçar saparynyň başlamagy mynasibetli ilkinji uçar sapary bilen Erbile giden Adalat we Ösüş partiýasynyň başlygynyň orunbasary Mehdi Eker Erbilde möhüm duşuşyklar geçirdi.

Adalat we Ösüş partiýasynyň Diýarbakyr halk deputaty Galip Ensarogly, Mardin halk deputaty Orhan Mirogly, Diýarbakyryň welaýat häkimi Hüseýin Aksoý, Premýer ministr Ahmet Dawutoglynyň kömekçisi Muhsin Kyzylkaýa bilen Erbile giden Mehdi Eker Yragyň Kürt Awtanomiýasynyň ýolbaşçylary bilen duşuşdy.

Mesele hakynda beýanat beren Adalat we Ösüş partiýasynyň Diýarbakyr halk deputaty Galip Ensarogly Yragyň Kürt Awtanomiýasynyň ýolbaşçylarynyň Diýarbakyr-Erbil uçar saparlarynyň başlamagyndan hoşaldygyny belledi.

Galip Ensarogly uçar saparynyň Diýarbakyr bilen Erbiliň arasynda söwda we syýahatçylyk gatnaşyklarynyň ösmegine itergi berjekdigini aýtdy.