Terrora garşy göreş tutanýerli ýagdaýda dowam etdirilýär
Türkiyäniň Milli Goranmak ministrliginiň sosial media hasabyndan beýanat berdi
Siriýanyň demirgazygyndaky Ýewfrat Galkany sebitinde asudalyk we howpsuzlyk gurşawyny bozmak maksady bilen hüjüm guramaga taýarlyk görendikleri anyklanan ekstremist terror guramasy PKK/ÝPG-e agza 3 terrorçy täsirsiz ýagdaýa getirildi.
Türkiyäniň Milli Goranmak ministrliginiň sosial media hasabyndan berilen beýanatda: "gahryman komandos güýçlerimiz Siriýanyň demirgazygyndaky Ýewfrat Galkany sebitinde asudalyk we howpsuzlyk gurşawyny bozmak maksady bilen hüjüm guramaga taýarlyk görendikleri anyklanan ekstremist terror guramasy PKK/ÝPG-e agza 3 terrorçyny täsirsiz ýagdaýa getirdi. Terrorçylary hyýanatçylykly amallaryna ýetmeden täsirsiz ýagdaýa getirmäge dowam ederis" diýip habar berildi.
Milli Goranmak ministrliginden ozal berilen beýanatda bolsa Yragyň demirgazygyndaky Penje-Gulp operasiýasy sebitinde ekstremist terror guramasy PKK-a agza 3 terrorçynyň, Hakurk sebitinde bolsa 2 terrorçynyň täsirsiz ýagdaýa getirilendigi mälim edilipdi.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.
TRT Ispan Digital Habar Platformasy Düşümli Bolsun
TRT Ispan digital habar platformasy dabaraly ýagdaýda açyldy.