Türkiyäniň Prezidenti Bütindünýä howa Sammitine gatnaşýar
Prezident Erdogan sammitiň çäginde ilkinji duşuşygyny Şotlandiýanyň Premýer ministri Hamza Ýusuf bilen geçirdi
Türkiyäniň Prezidenti Rejep Taýýip Erdogan BMG-niň Howanyň üýtgemegi boýunça Çarçuwaly Konwensiýasynyň taraplarynyň nobatdaky 28-nji mejlisiniň (COP28) çäginde geçiriljek Bütindünýä Howa sammitine gatnaşmak maksady bilen Birleşen Arap Emirliklerine bardy.
Prezident Erdogany Dubaý Halkara howa menzilinde BAE-niň Wise-prezidenti Şeýh Mansur bin Zaýid Al Nahaýan garşylady.
Prezident Erdogan Bütindünýä howa Sammitiniň geçirilýän ýeri bolan Dubai Expo Centerde BAE-niň Döwlet baştutany Şeýh Muhammed bin Zaýed Al Nahaýan we BMG-nyň baş sekretary Antoniu Guterriş tarapyndan garşylandy.
Prezident Erdogan sammitiň çäginde ilkinji duşuşygyny Şotlandiýanyň Premýer ministri Hamza Ýusuf bilen geçirdi.
Duşuşykda sebitleýin we global meseleler bilen birlikde Gazanyň soňky ýagdaýy ara alynyp maslahatlaşyldy.
Prezident Erdogan NATO-nyň Baş sekretary Ýens Stoltenberg bilen hem gysga wagt söhbetdeş boldy.
Erdogans aparynyň çäginde Italiýanyň Premýer ministri Jorjiýa Meloni we Özbegistanyň Prezidenti Şewket Mirziýoýew bilen duşuşyk geçirdi.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.
TRT Ispan Digital Habar Platformasy Düşümli Bolsun
TRT Ispan digital habar platformasy dabaraly ýagdaýda açyldy.