Türkiýäniň 73 Ýurtdaky Wekilhanasynda Saýlaw Merkezi Açylar

28-nji maýda geçiriljek Prezident saýlawynyň 2-nji tapgyrynda Türkiýäniň 73 ýurtdaky wekilhanasynda saýlaw merkezi açylar.

Daşary işler ministrliginiň Twitterden beren habarnamasynda, prezident saýlawynyň 2-nji tapgyrynda daşary ýurtlarda açyljak saýlaw merkezleri hakynda maglumat berildi.

Habarnamada, daşary ýurtlarda ýaşaýan we bellige alynan türk raýatlarynyň 20-nji maýdan başlap 73 ýurtda, Türkiýäniň 151 wekilhanasynda we 167 saýlaw merkezinde ses berip biljekdigi nygtaldy.

Türk raýatlary gümrük geçelgelerinde bolsa maý aýynyň 20-28-i aralygynda ses berer.

Daşary ýurtlarda ýaşaýan türk raýatlary Ýokary saýlaw geňeşiniň “yks.gov.tr” salgysyndan mesele hakynda giňişleýin maglumat edinip bilner.