Mewlüt Çawuşogly ysraýylly kärdeşi Koen bilen telefon arkaly söhbetdeş boldy

Türkiyäniň Daşary işler ministri Mewlüt Çawuşogly Ysraýylyň täze Daşary işler ministri Eli Koen bilen geçiren telefon söhbetdeşliginde, Ysraýylyň Milli Howpsuzlyk ministri Itamar Ben-Gwiriň Aksa metjidine garşy amala aşyran öjükdiriji aksiýalarynyň kabul edilmesizdigini beýan etdi. 

Türkiyäniň Daşary işler ministrliginden berilen beýanata görä, Daşary işler ministri Mewlüt Çawuşogly Ysraýylyň täze Daşary işler ministri Eli Koen wezipä bellenmegi mynasybetli gutlady. 

Türkiyäniň Daşary işler ministrliginden berilen beýanatda: "Ministr Çawuşogly Eli Koene ýurdumyzyň Palestina meselesindäki duýgurlygyny we tamalaryny ýatlatdy, şol çäkde Ysraýylyň Milli Howpsuzlyk ministri Itamar Ben-Gwiriň Aksa metjidine garşy amala aşyran öjükdiriji aksiýalarynyň kabul edilmesizdigini belledi. Ministr Çawuşogly Aksa metjidiniň statusynyň goralmagyna berýän ähmiýetimizi nygtap geçdi, her dürli öjükdiriji aksiýalardan saklanmak baradaky tamalarymyzy kärdeşine aýtdy" diýip mälim edildi. 

Telefon söhbetdeşliginde iki ministr ikitaraplaýyn gatnaşyklary ösdürmek üçin bilelikde işleşmek babatynda ylalaşyga geldiler.