Prezident Erdogan Türkmenistana guran saparyndan gaýdyşyn uçarda metbugata beýannama berdi

Prezident Erdogan Türkiyäniň, Russiýanyň we Siriýanyň arasynda liderler derejesinde gepleşikleriň geçirilip bilinjekdigini habar berdi

1919385
Prezident Erdogan Türkmenistana guran saparyndan gaýdyşyn uçarda metbugata beýannama berdi

Prezident Rejep Taýýip Erdogan Türkmenistana guran saparyndan soň, gaýdyşyn uçarda metbugat işgärleriniň soraglaryna jogap berdi. 

"Türkiye-Russiýa-Siriýa üçtaraplaýyn häsýetde ädim etmek isleýäris" diýip aýdan Prezident Erdogan, liderler derejesinde gepleşikleriň geçirilip bilinjekdigini belledi we Russiýanyň Döwlet baştutany Wladimir Putin bilen mesele barada pikir alyşandygyny aýan etdi. 

Prezident Erdogan Siriýa babatynda etjek ädimlerde kesgitleýji ugurlaryň Türkiyäniň milli bähbitleriniň boljakdygyny habar berdi. 

Siriýadan Türkiyä garşy terror howplaryna ünsleri çeken Prezident Erdogan, nebit guýularynyň üsti bilen terror guramalarynyň maliýeleşdirilýändigini belledi we terror guramasyna goldaw berýän ABŞ-ny tankyt edip: "Biz şu günki güne çenli sabyr etdik. Emma sabrymyz indi bitdi" diýip mälim etdi. 

Prezident Erdogan: "Esasan hem ABŞ başda bolmak bilen müňlerçe ýük ulag möçberinde ýarag, ok-gäri, enjam ýaly zatlary bu terror guramasyna bermäge dowam etjek bolsaňyz, biz hem hemişe aýdyşymyz ýaly öz göbegimizi özümiz keseris" diýip nygtady. 

Prezident Erdogan Germaniýanyň hökümediniň agdarylmagyna garşy taýarlyk görýän adamlara garşy gören çäreleriniň hem üstünde durup geçip, meseläni Fetullahçy terror guramasyna garşy göreşe getirdi. 

Prezident Erdogan: "Häzirki wagtda terror guramasynyň Ýewropadaky iň möhüm sygynan ýeri Germaniýadyr. PKK/ÝPG/PÝD nirde? Olar ol ýerde, FETÖ nirde? Olar hem şol ýerde. Olaryň yzyna gaýtarylyp berilmegini isleýäris, emma olaryň bermek ýaly aladalary ýok" diýip belledi. 

Prezident Erdogan türkmen gazynyň Türkiyäniň üstaşyr Ýewropa ugradylmagy bilen baglanşykly bolsa: "Türkiye, Azerbaýjan we Türkmenistanyň Energetika ministrleri iň tiz wagtda bir ýere jemlenip, şol meseläni jikme-jik edip maslahatlaşarlar" diýip habar berdi. 



Degişli Habarlar