Emine Erdogan Türkiýä Getirilen Ukrainaly Ýetim Çagalar Bilen Duşuşdy
Prezident R.T.Erdoganyň maşgalasy Emine Erdogan Ukrainadan Türkiýä getirilen ýetim çagalaryň ynamdar ellerdedigini beýan etdi.
Emine Erdogan Ukrainanyň döwlet Ýolbaşçysy Wladimir Zelenskiýniň maşgalasy Olena Zelenskaýa bilen 2-nji oktýabrda Stambulda geçiren duşuşygynda ylalaşylan ewakuasiýanyň çäginde Odessa Soneçko çagalar öýünden paýtagt Ankara getirilen ýetim çagalar we enekeleri bilen Maşgala we sosial üpjünçilik ministrliginiň çagalar öýünde duşuşdy.
Emine Erdogan çagalaryň rehabilitasiýa tapgyry hakynda resmilerden maglumat aldy.
Çagalar bilen ýeke-ýekeden gyzyklanan, olar bilen söhbetdeş bolan we oýunjak sowgat eden Emine Erdogan, ýarawsuzlanan 7 ýaşly çaganyň ýagdaýy bilen gyzyklandy.
Duýguly pursatlaryň başdan geçirilen duşuşygynda çagalar Emine Erdogana ýakyn gyzyklanma bildirdiler.
Çagalar öýüniň okuw, oýun we ýatylýan otaglaryna baryp gören Emine Erdoganyň çagalardan biri bilen eden gyzgyn dialogy ünsleri çekdi.
Ukrainanyň Türkiýedäki İlçisi Wasyl Bodnaryň gatnaşmagynda geçirilen duşuşykda ýadygärlik surat aldyryldy.
Emine Erdogan Ukrainada agyr şertlerde ýaşaýan çagalaryň ewakuasiýasy bilen bagşy işleriň dowam etjekdigini, Türkiýäniň elmydama kömek bermäge taýýardygyny beýan etdi.
Degişli Habarlar
Türkiye, Çiliniň kararyna reaksiýa bildirdi
Türkiye, Çiliniň 1915-nji ýyldaky wakalary "genosid" hökmünde ykrar eden kararyna reaksiýa bildirdi
TRT-niň Ispan Dilindäki Digital Ýaýlymlary Başlaýar
Ertir TRT-niň Ispan dilindäki digital ýaýlym platformasy tanyşdyrlar