Edilýän tagallalaryň netijesinde howpsuzlyk güýçlerine boýun egýän terrorçylaryň sany artýar

Türkiyäniň Içeri işler ministrligi tarapyndan berilen beýanatda, ministrligiň koordinasiýasynda Žandarma güýçleriniň Baş serkerdeligi we Içeri işler edarasynyň Baş müdürligi tarapyndan edilen tagallalaryň netijesinde ekstremist terror guramasy PKK-nyň hataryndan gaçan ýene-de bir terrorçynyň ýurduň serhetleriniň çägine girip, Türk Hpwpsuzlyk güýçlerine boýun egendigi mälim edildi. 

Boýun egen terrorçynyň 2013-nji ýylda terror guramasynyň hataryna goşulandygy, Siriýada we Yrakda iş alyp barandygy, Terrordan gözlenýänleriň sanawynda ady çal kategoriýada bolandygy bellenen beýanatda, maşgalasynyň bolsa Diýarbakyr şäherinde dowam edýän çaga nobatynda duran maşgalalaryň biridigi aýan edildi. 

Beýanatda boýun egen terrorçy bilen birlikde çaga nobatynda duran 39-njy maşgalanyň hem çagasyna gowuşjakdygy, edilen tagallalaryň netijesinde 2022-nji ýylyň başyndan bäri boýun egen terrorçylaryň sanynyň 109-a ýetendigi habar berildi.