PKK-a agza ýene-de 2 terrorçy Howpsuzlyk güýçlerine boýun egdi
Geçirilen işleriň netijesinde ekstremist terror guramasy PKK-nyň hataryndan gaçan ýene-de 2 terrorçy Türk Howpsuzlyk güýçlerine boýun egdi
Türkiyäniň Içeri işler ministrligi tarapyndan berilen beýanata görä, ministrligiň koordinasiýasynda Žandarma güýçleriniň Baş serkerdeligi we Içeri işler edarasynyň Baş müdürligi tarapyndan geçirilen işleriň netijesinde ýene-de 2 terrorçy guramanyň hataryndan gaçyp Howpsuzlyk güýçlerine boýun egdi.
Boýun egen terrorçylaryň 2015-nji ýylda guramanyň hataryna goşulandyklary, Yrakda we Siriýada iş alyp barandyklary anyklandy.
Türkiyäniň Içeri işler ministrliginden ozal berilen beýannama görä bolsa, ministrligiň koordinasiýasy esasynda geçirilýän işleriň çäginde, ýene-de 1 terrorçy terror guramasynyň hataryndan gaçyp Türk Howpsuzlyk güýçlerine boýun egdi.
Howpsuzlyk güýçlerine boýun egen terrorçynyň 2010-njy ýylda guramanyň düzümine goşulandygy, Demirgazyk Yrakda iş alyp barandygy anyklandy.
Edilen tagallalaryň netijesinde şu ýylyň başyndan bäri boýun egen terrorçylaryň sany 92-ä ýetdi.
Degişli Habarlar
Numan Kurtulmuş Meksikada Saparda Bolýar
Kurtulmuş, MIKTA-nyň Parlament başlyklarynyň 10-njy maslahatyna gatnaşar
Türkiýe, Gaza Ynsanperwer Kömegini Bermäge Dowam Edýär
11-nji Ýagşylyk Gämisi, Mersin portundan dabaraly ýagdaýda ugradyldy.
