Türkiýe Owganystanda Guralan Hüjümi Ýazgardy

"Ady agzalýan terrorçylykly hüjümi berk ýazgarýarys, Russiýa Federassiýasyna we owgan halkyna duýgudaşlyk bildirýäris, ýaralananlara şypa dileýäris”

1876137
Türkiýe Owganystanda Guralan Hüjümi Ýazgardy

Türkiýe, Owganystanyň paýtagty Kabulda Russiýanyň ilçihanasynyň öňünde düýn guralan terrorçylykly hüjümi ýazgardy.

Daşary işler ministrliginden berlen beýannamada, “Kabulda Russiýa Federassiýasynyň ilçihanasynyň öňünde guralan hüjümde, ilçihananyň işgärleri bilen birlikde birnäçe adamyň ýogalmagyna we ýaralanmagyna uly gynanç bildirýäris” diýildi.

Beýannamada, "Ady agzalýan terrorçylykly hüjümi berk ýazgarýarys, Russiýa Federassiýasyna we owgan halkyna duýgudaşlyk bildirýäris, ýaralananlara şypa dileýäris” diýildi.

Kabulyň İçeri işler müdürliginiň metbugat sekretary Halid Zadran hüjümde asuda ilatdan 4 adam bilen ilçihanada işleýän 2 rus raýatynyň ýogalandygyny, köp sanly adamyň ýaralanandygyny mälim edipdi.

 



Degişli Habarlar