Mewlüt Çawuşogly Jozep Borrel bilen telefon arkaly söhbetdeş boldy

Ýewropa Bileleşiginiň Daşary gatnaşyklar we Howpsuzlyk syýasaty boýunça Ýokary wekili Jozep Borrel, Türkiýäniň Daşary işler ministri Mewlüt Çawuşoglyna Türkiýäniň Russiýa garşy täsirini ulanyp bilmek baradaky umdyny belläp geçendigini habar berdi. 

Türkiye Respublikasynyň Daşary işler ministrliginden berilen beýanata görä, Daşary işler ministri Mewlüt Çawuşogly Ýewropa Bileleşiginiň Daşary gatnaşyklar we Howpsuzlyk syýasaty boýunça Ýokary wekili Jozep Borrel bilen telefon arkaly söhbetdeş boldy. 

Telefon söhbetdeşliginde Ukrainada başdan geçirilen soňky hadysalar ara alynyp maslahatlaşyldy. 

Borrel ministr Çawuşogly bilen geçiren telefon söhbetdeşligi bilen bagly sosial media hasabyndan beýannama berdi. 

Telefon söhbetdeşliginde Ukrainanyň gallasynyň eksport edilip bilinmegi üçin ylalaşygyň ýola goýulmagynda we Russiýanyň Ukraina garşy agressiýasynyň azaldylmagynda Türkiýäniň roluny belläp geçendigini aýdan Borrel: "Manysyz söweşi bes etmek üçin Türkiýäniň Russiýa garşy täsirini ulanyp bilmek baradaky umdymy nygtap geçdim" diýip habar berdi.