Türkiye Respublikasynyň Kiýewdäki ilçihanasy ýaňadandan işläp başlady

Türkiye Respublikasynyň Ukrainanyň paýtagty Kiýew şäherindäki ilçihanasy, Russiýa-Ukraina söweşi sebäpli wagtlaýyn häsýetde işlerini dowam etdiren Çernowsy şäherinden ýaňadandan Kiýew şäherine göçürildi. 

Türkiye Respublikasynyň Ukrainanyň paýtagty Kiýew şäherindäki ilçihanasynyň Twitter hasabyndan berilen beýanatda: "Hormatly raýatlarymyz we ukrainaly dostlarymyz, wagtlaýyn häsýetde işlerimizi, ewakuasiýa işlerinde logistika merkezimize öwrülen Çernowsy şäherine göçüripdik. Şu günden başlap Kiýewe, öýmüze gaýdyp geldik" diýip habar berildi. 

Türkiye Respublikasynyň Ukrainanyň paýtagty Kiýew şäherindäki ilçihanasy 11-nji martda wagtlaýyn häsýetde Ukrainanyň Çernowsy şäherine göçürilipdi. 

Russiýanyň goşuny 24-nji fewralda Ukraina garşy harby hüjüm başladypdy.