Çawuşogly, Owganystanyň Daşary Işler Ministriniň Wekili Bilen Telefon Arkaly Söhbetdeşlik Geçirdi.

Daşary işler ministri Mewlüt Çawuşogly, Owganystanda Talibanyň ýolbaşçylygyndaky wagtlaýyn hökümetiň Daşary işler ministriniň wekili Emirhan Muttaki bilen telefon arkaly söhbetdeşlik geçirdi.

Daşary işler ministrliginden berlen maglumata görä, Emirhan Muttaki koronawirusa ýolugan Prezident Erdogana ýagşy dileglerini gowşuryp Gerata gelen ilkinji “Ýagşylyk otlusy”üçin sagbolsun aýtdy.

Mewlüt Çawuşogly telefon söhbetdeşliginde Owganystana geljekde ýene-de bir ynsanperwer kömek otlusynyň ugradylmagynyň meýilleşdirilýändigini belledi.

Owganystanda giň gerimli hökümetiň gurulmagynyň ýurduň howpsyzlygy we durnuklylygy taýdan möhümdigini bellän Çawuşogly, Owganystanda esasan zenan aktiwistleriniň öldürlendigi hakyndaky habarlara alada bildirýändiklerini ýatlatdy.

Gyzlaryň bilim almagynyň ähmiýetine ünsi çeken Çawuşogly, bu meselede Owganystanda durmuşa geçirilýän işleri takdyr edýändiklerini belledi.

Çawulogly bilen Muttaki telefon söhbetdeşliginde Magarif mekdepleriniň Owganystanda ýaňadandan açylmagy meselesi hakynda hem pikir alyşdy.