Türkiýäniň Daşary işler ministri Liwanda saparda bolýar
Daşary işler ministri Mewlüt Çawuşogly resmi sapar bilen giden Liwanyň paýtagty Beýrut şäherinde ýurdyň Prezidenti Mişel Awn tarapyndan kabul edildi
Liwanyň Prezidenti Mişel Awn Twitter hasabyndan beren beýanatynda, Baabda köşgünde ministr Çawuşogly bilen duşuşyk geçirendigini habar berdi.
Mişel Awn bilen geçiren duşuşygyndan soň metbugat işgärlerine beýanat beren Çawuşogly: "Hormatly Prezident bilen Türkiýäniň we Liwanyň arasyndaky gatnaşyklary nähili özgertejdigimizi ara alyp maslahatlaşdyk. Täze hökümediň gurulmagy mynasybetli özüni gutladym. Mundan başgada 22-nji noýabryň Liwanyň Milli güni mynasybetli eýýäm şu wagtdan özüni gutladym" diýip habar berdi.
Ministr Mewlüt Çawuşogly soň bolsa Liwanyň mejlisiniň başlygy Nabih Berri tarapyndan kabul edildi.
Çawuşogly Liwana guran resmi saparynyň çäginde mundan başgada Premýer ministr Nejib Mikati we Daşary işler ministri Abdallah Buhabib bilen duşuşyklar geçirjekdigini mälim etdi.
Liwanda ilkinji duşuşygyny Ykdysadyýet we söwda ministri Amin Salam bilen geçiren Çawuşogly “Ykdysady durnuklylyk üçin Liwan bilen edýän gatnaşyklarymyz dowam eder” diýip belledi.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.
TRT Ispan Digital Habar Platformasy Düşümli Bolsun
TRT Ispan digital habar platformasy dabaraly ýagdaýda açyldy.
