Kommunikasiýalar edarasy 8-nji mart Halkara zenanlar güni mynasybetli ýörite klip taýarlady

Prezidentiň ýanyndaky Kommunikasiýalar edarasynyň başlygy Fahrettin Altun, 8-nji mart Halkara Zenanlar güni mynasybetli taýarlanan klibi sosial media hasabyndan "Zenan diýmek durmuş diýmek, söýgi diýmek. Zenan diýmek zähmet diýmek we umyt diýmek, mertebe we buýsanç diýmek. 8-nji mart Halkara Zenanlar günüňiz gutly bolsun" ýüzlenmesi bilen paýlaşdy. 

"Zenan diýmek" aýdymynda we klibinde, geşmişden şu günki güne çenli zenanlaryň maşgaladaky we jemgyýetdäki ornuna we durmuşyň ähli ugurlary boýunça goşýan goşantlaryna ünsler çekildi. 

Milli Azat edijilik söweşinden 15-nji iýula, Diýarbakyrdaky enelerden koronawirusa garşy göreşe çenli zenanlaryň hekaýalarynyň suratlandyrylýan klip, Milli Azat edijilik söweşinde front liniýasyna ok-däri daşaýan zenanlaryň wideo ýazgylary bilen başlaýar. 

Klipde ýakynlary şehit bolan, 15-nji iýuldaky agdarlyşyk synanyşygynda taňklara direnen, Diýarbakyrda çaga nobatynda duran we koronawirusa garşy göreşde iş alyp barýan zenanlar bar. 

Kowid-19 epidemiýasyna garşy sanjym oýlap tapan Germaniýanyň BioNTech biotehnologiýa kärhanasynyň esaslandyryjylaryndan Dr. Özlem Türejiniň hem bolan klipda, mundan başgada bilimden sungada we saglygy goraýyşa, sportdan oba hojalyga, hukukdan goranyşa we howpsuzlyga çenli ençeme ugur boýunça jemgyýetiň tapawutly gatlaklarynda iş alyp barýan zenanlaryň portretlerini görüp bolýar.