Izmirdäki ýer titremede ýogalan adamlaryň sany 102-ä ýetdi
Hassahanalardaky 143 adamyň bejergisi dowam edýär
Içeri işler ministrliginiň Tebigy apatlar we adatdan daşary ýagdaýlar edarasy (AFAD) tarapyndan berilen beýanata görä, 30-njy oktýabrda Izmiriň suw giňişliginde bolan 6,6 bal ululygyndaky ýer titremeden soň 44-siniň ululygy 4-den uly bolan jemi 1 müň 475 gezek kiçiräk ýer titreme boldy.
Ýer titremede 102 adam ýogaldy. Ýaralanan 1026 adamyň 883-i hassahanadaky bejergileri tamamlanyp, öýlerine ugradyldy, 143 adamyň bejergisi dowam edýär.
Izmirde gözleg we halas ediş işleri 13 binada tamamlandy, 4 binadaky gözleg işleri bolsa entek dowam edýär.
Daşky gurşaw we şäher gurluşyk ministri Murat Kurum, gyssagly ýagdaýda ýumrulmaly bolan binalaryň iň tiz wagtda ýumruljakdygyny belläp, häzirki wagta çenli şol ýagdaýdaky 2 binanyň ýumrulandygyny habar berdi.
Murat Kurum, ýer titremäniň iň köp zyýan ýetiren ýerleriniň biri bolan Izmiriň Baýrakly etrabynda zyýan ýeten ýerleriň kesgitleýiş işleriniň 2 günüň içinde tamamlanjakdygyny mälim etdi.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.
TRT Ispan Digital Habar Platformasy Düşümli Bolsun
TRT Ispan digital habar platformasy dabaraly ýagdaýda açyldy.