Terrorizme Garşy Göreş Egilşiksiz Dowam Edýär

Siriýanyň “Parahatçylyk Çeşmesi” zolagynda ekstremist terror guramasy PKK/ÝPG-ä agza 4 terrorçy täsirsiz ýagdaýa getirildi.

Milli goranmak ministrliginden berilen beýannamada “Parahatçylyk Çeşmesi” zolagynda terrorçylaryň hüjüm etmäge synanşandygy habar berildi.

Beýannamada: “Komandoslarymyz “Parahatçylyk Çeşmesi” zolagynda terror guramasy PKK/ÝPG-niň hüjüm synanşygynyň öňüni alyp, 4 terrorçyny täsirsiz ýagdaýa getirdi” diýilýär.

Türk ýaragly güýçleri we Siriýanyň milli goşunlary Siriýanyň demirgazygynda terror koridoryny açmaga synanşan we Siriýanyň demokratik güýçleri adyny ulanýan ekstremist terror guramasy ÝPG/PÝD/PKK-a garşy 2019-njy ýylyň 9-njy oktýabrynda “Parahatçylyk Çeşmesi” operasiýasyny başladypdy.

Operasiýa sebitiň terrordan saplanmagy bilen 2019-njy ýylyň 25-nji noýabrynda üstünlik bilen tamamlanypdy.

Beýleki tarapdan Edirne welaýatynda terror guramasyna agzadygy çaklanylýan 2 adam bikanun ýollardan Gresiýa gaçmaga synanşýarka ele salyndy.

Howpsyzlyk güýçleri Ýenikadyn obasynyň golaýynda geçiren barlagynda bikanun ýollar bilen Gresiýa gaçmaga synanşýan terror guramasy PKK agzadygy çaklanylýan iki adamy ele saldy.

Şübhelenilýänler düşündirişleriniň alynmagy üçin Žandarm serkerdeligine alynyp gidildi.