Prezident Erdogan: "Gresiýanyň etjek ädimleri möhüm" diýdi

Prezident Rejep Taýýip Erdogan, ÝB Geňeşini başlygy Şarl Mişel we Germaniýanyň Federal Kansleri Angela Merkel bilen gepleşikler geçirdi. 

Kommunikasiýalar edarasyndan berilen beýanata görä, wideo aragatnaşyk arkaly geçirilen üçtaraplaýyn maslahatda Türkiýe-ÝB gatnaşyklary giňişleýin häsýetde ara alynyp maslahatlaşyldy. 

Gündogar Ortaýer deňizinde başdan geçirilen soňky wakalaryň ele alynan maslahatda, Türkiýäniň we Gresiýanyň deslapky gepleşiklere taýardygy beýan edildi.  

Dialog kanallarynyň janlandyrylmagy babatyndaky ylalaşygyň nähili durmuşa geçiriljekdigi babatynda Gresiýanyň etjek ädimleriniň möhümdigini aýdan Erdogan, Kiprdäki türkler bilen birlikde ähli taraplaryň gatnaşmagynda geçiriljek sebitleýin bir konferensiýadan konstruktiw kararlaryň çykjakdygyna ynanýandygyny habar berdi. 

Penşenbe güni başlajak ÝB Liderler maslahatynyň Türkiýe-ÝB gatnaşyklaryna täze bir itergi bermegini umyt edýändigini aýdan Prezident Erdogan, gowy niýetli Gümrük Bileleşigi ylalaşygy, wiza erkinligi we Bosgunlar bilen bagly ylalaşyklar babatynda anyk ädimler edilen halatynda Türkiýe-ÝB gatnaşyklarynyň ýaňadandan oňyn sepgide ýetjekdigine ynanýandygyny aýan etdi. 

ÝB-nyň Türkiýe bilen berk gatnaşyklar ýola goýmagynyň sebitleýin meseleleriň çözüwine goşant goşjakdygyny aýdan Prezident Erdogan, Merkeliň we Mişeliň Türkiýe-ÝB gatnaşyklary taýdan edýän tagallalaryndan hoşaldygyny beýan etdi.