Türkiýe, Kipriň Grek Bölegi bilen ABŞ-nyň Arasyndaky Ylalaşyk Teswirnamasyna Reaksiýa Bildirdi

Daşary işler ministrliginiň metbugat geňeşçisi Hami Aksoý, Kipriň Grek bölegi bilen ABŞ-nyň arasynda baglaşylan ylalaşyk teswirnamasynyň, Gündogar Ortaýer deňiziniň parahatçylygyna we durnuklylygyna zeper ýetirjekdigini belledi.

Mesele hakyndaky soraga ýazmaça jogap beren Hami Aksoý, 12-nji sentýabrda Kipriň grek bölegi bilen ABŞ-nyň arasynda baglaşylan we Kipriň grek böleginde “Gury ýeriň, açyk denizleriň we portuň howpsyzlygy merkeziniň” gurulmagyny göz öňünde tutýan ylalaşyk teswirnamasynyň, Kipriň türk tarapyny äsgermeýändigini nygtady.

“Ylalaşyk teswirnamasy, Gündogar Ortaýer deňiziniň parahatçylygyna we durnuklylygyna we Kipr meselesiniň çözülmegine zeper ýetirer” diýen Aksoý, ABŞ-nyň soňky döwürde Kipriň grek bölegine goýan ýarag embargosyny bes etmeginiň we grek tarapyny harby talim meýilnamasyny degişli etmeginiň Ada-daky iki halkyň deňagramlylygyny bozýandygyny we Gündogar Ortaýer deňizinde dartgynlygyň möwjemegine sebäp bolýandygyny ýatlatdy.

Aksoý, ABŞ-nyň Döwlet sekretary Maýk Pompeonyň  Ada guran saparynyň çäginde DKTR-na barmazlygynyň hem şol nukdaý nazardan ünsleri özüne çekýändigini belledi.