Prezident Erdogan partiýasynyň merkezi jaýynda ilçiler üçin berlen agzaçara gatnaşdy

Prezident  we Adalat we ösüş partiýasynyň başlygy R. T. Erdogan partiýasynyň merkezi jaýynda ilçiler üçin berlen agzaçara gatnaşdy.

Erdogan geçen iki aýda dünýäniň çar tarapynda guralan terrorçylykly hüjümleriň, hoşniýetsizligiň, rassizmiň, zulumyň we terroryň dünýäniň çar tarapynda özüni görkezýändigini aýtdy.

Erdogan esasan Täze Zelandiýada we Şri-Lankada guralan hüjümleriň terroryň we ýigrenjiň ýeten sepgidini açyk aýdyn görkezýändigini ýatlatdy.

Türkiýäniň uzak ýyllardan bäri terror sebäpli uly ýitgi çekendigini we terrora garşy göreşde uly tejribe edinendigini aýdan Erdogan, BMG-na we beýleki halkara we sebitara guramalara 15-nji martyň Yslamofobiýa garşy halkara arkalaşyk güni hökmünde kabul edilmegi barada çagyryş berendiklerini nygtady we dünýä ýurtlaryndan bu meselede goldawa garaşýandyklaryny aýtdy.

Türkiýäniň ähli tagallalaryna garamazdan terrora we rassizme garşy göreşde iki ýüzli çemeleşmäniň dowam edýändigini nygtan Erdogan, “Ekstremist terror guramasy PKK/ÝPG-ä garşy Ýewropa ýurtlary degişli çäräni görmeýär, hatda ähli taraplaryn goldaw berilýär. Beýleki tarapdan Fetullahçy terror guramasy FETÖ-niň ýolbaşçysy we agzalary ABŞ-da köşklerinde arkaýyn ýagdaýda ýaşaýar. Terrorçylykly hüjümler üçin terrorizm, şol guramalaryň agzalary üçin hem terrorçy diýmekden gaça durýan ýurtlaryň bardygyny bilýäris” diýdi