"Kiprde durnuklylyk Türkiýäniň we DKTR-nyň hukuklaryna sarpa goýlan halatynda üpjün ediler"

Prezident R. T. Erdogan Kiprde we Gündogar Ortaýer deňzinde durnuklylygyň diňe Türkiýäniň we Demirgazyk Kipr Türk Respublikasynyň hukuklaryna we bähbitlerine sarpa goýlan halatynda üpjün ediljekdigini belledi.

Prezident  we Adalat we ösüş partiýasynyň başlygy R. T. Erdogan partiýasynyň merkezi jaýynda ilçiler üçin berlen agzaçara gatnaşdy.

Prezident Erdogan agzaçarda sözlän sözünde Gresiýanyň we Kipriň günorta böleginiň Gündogar Ortaýer deňzinde bir taraply ýagdaýda geçirýän gidrokarbon gözleg işleri hakynda durup geçdi.

Gündogar Ortaýer deňzinde durnuklylygyň we howpsyzlygyň üpjün edilmegi üçin tagalla edýändiklerini aýdan Erdogan, Kiprde we Gündogar Ortaýer deňzinde durnuklylyk diňe Türkiýäniň we Demirgazyk Kipr Türk Respublikasynyň hukuklaryna we bähbitlerine sarpa goýlan halatynda üpjün ediler. Sebitde bir taraply ýagdaýdaky hereketlere rugsat bermejekdigimzi degişli taraplaryň görendigine ynanýaryn. Biz ähli kynçylyklarymyz ýaly bu meseläniň hem gepleşik we hyzmatdaşlyk arkaly çözülmegini isleýäris” diýdi.