Çawuşogly we Çelik Ysraýylyň Premýer ministrine nägilelik bildirdiler

Sosial media hasabyndan beýanat beren Mewlüt Çawuşogly: “Günbatar Şeria halkara hukuga ters ýagdaýda, Ysraýylyň gabawy astynda bolan Palestinanyň ýeridir. Netanýahunyň saýlawdan ozal ýene-de ýeterlik derejede ses alyp bilmezlik aladasy bilen beren jogapkärçiliksiz beýanaty, bu hakykaty hiç bir ýagdaýda üýtgetmez” diýdi.

Adalat we ösüş partiýasynyň metbugat sekretary Ömer Çelik hem Netanýahuny: “Ysraýylyň Premýer ministri ýene-de akylsyz agressiýasyny orta goýdy” sözleri bilen tankyt etdi.

Ysraýylyň Premýer ministri Binýamin Netanýahu, 9-njy apreldäki saýlawda üstün çykyp, ýaňadandan Premýer ministrlik wezipesine geçen halatynda, gabaw astyndaky Günbatar Şeriada ýerleşýän jöhit ýaşaýyş ýerlerini Ysraýylyň düzümine almagy meýilleşdirýändigini beýan etdi.

Ysraýylyň 1967-nji ýylda basyp alan Günbatar Şeriada bikanun ýagdaýda gurulan 250-ä golaý jöhit ýaşaýyş ýerleri bolup, ol ýerlerde 400 müňden gowrak jöhit ýaşaýar.

Halkara hukuga görä, gabaw astyndaky ýerlerde ähli jöhit ýaşaýyş ýerler bikanun hökmünde kabul edilýär.