“F-35 kysymly harby uçarlaryň noýabr aýynda gowşurylmagyna garaşýarys”

Milli Goranmak ministri Hulusi Akar F-35 kysymly harby uçarlaryň ABŞ-dan Türkiýä noýbar aýynda gowşurylmagyna garaşylýandygyny aýtdy.

Ministr Akar, Baş ştabyň başlygy goşun generaly Ýaşar Güler bilen birlikde käbir serkerdeler bilen günorta naharynda duşuşdy.

Akar duşuşykda eden çykyşynda Türkiýäniň Russiýadan aljak S-400 howa ulgamlaryny bahana edýän Amerikaly käbir ýolbaşçylaryň F-35 uçarlarynyň gowşurylmagy baradaky beýanatlary hakynda durup geçdi.

Türkiýäniň NATO agza ýurtlardan howa goranyş ulgamlaryny almakda kynçylyk çekendigi sebäpli Russiýadan S-400 howa goranyş ulgamlaryny alýandygyny ýatladan Akar, F-35 uçarlary hakynda Amerikaly ýolbaşçylar tarapyndan berlen beýanatlara garamazdan etabyň adaty ýagdaýda dowam edýändigini belledi.

Türkiýäniň F-35-ler meselesinde öz üstüne düşýän jogapkärçiliklerini bir kemsiz ýerine ýetirýändigini aýdan Akar “Hünärmenlerimiz ABŞ-da tälimlerini dowam etdirýär. Noýabr aýynda uçarlaryň Malatýa şäherine gelmegine garaşýarys” diýdi.