Kilise guralan raketaly hüjümde 4 adam ýaralandy
Ekstremist terror guramasy PÝD/PKK-a agza terrorçylaryň Siriýanyň Afrin sebitiniň golaýyndaky, serhediň Türkiýe tarapyndan Kilis welaýatyna guran raketaly hüjüminde 4 adam ýaralandy
901829
Afrindäki ekstremist terror guramasy PÝD/PKK-a agza terrorçylar tarapyndan ýerli wagt bilen sagat 17:40-da atan raketalary bir iş ýerine we bir öýe degdi.
Saglygy goraýyş işgärleri iş ýerinden 4 ýaraly adamy çykardylar.
Ýaralanan adamlar Kilis döwlet hassahanasyna alynyp gidildi.
Kilis welaýatynyň gubernatory Mehmet Tekinarslan: "2 raketa bir öýe we bir naharhana degdi, 4 adam ýaralandy" diýdi.
Tekinarslan polisiýa işgärleriniň derňew işiniň dowam edýändigini belledi.
Beýleki tarapdan serhede ýerleşdirilen artilleriýa toplary raketanyň atylan ýerlerine artykmajy bilen jogap berip, hüjüm guradylar.