PÝD/ÝPG bilen DAIŞ-iň we ABŞ-nyň arasyndaky gatnaşyklar paş bolmaga dowam edýär

Ekstremist terror guramasy PKK-nyň Siriýadaky bölegi PÝD/ÝPG bilen DAIŞ-iň we ABŞ-nyň arasyndaky kirli gatnaşyklar paş bolmaga dowam edýär.

Siriýada birnäçe wagtdan bäri terror guramasy PÝD/PKK SDG-niň metbugat sekretary wezipesini ýerine ýetirenden soň sebitden gaçan Talal Silo ABŞ-nyň PÝD/PKK-ä berýän harby goldawy we DAIŞ-e garşy göreşiň çäginde baglaşylan şertnamalar hakynda Anadoly habarlar gullugyna beýanat berdi.

DAIŞ -e agza 1300 terrorçynyň ýaraglary bilen Siriýanyň Rakka şäherinden göçürilmegi meselesinde ABŞ-nyň goldaw bermeginde DAIŞ bilen PKK/PÝD şertnama baglaşdy.

Talal Silo Amerikaly ýolbaşçylaryň DAIŞ-iň şäherden çykarylmagynyň öwezine Deýrizoryň nebit känleriniň gözegçiliginiň terror guramasy PKK-a berilmegini isleýändiklerini aýtdy.

Talal Silonyň sözleri Amerikan hökümetiniň terror guramasy PKK/PÝD-ä çäksiz goldaw berýändigini açyk aýdyň görkezdi.

Silonyň sözlerine görä, ABŞ-nyň DAIŞ-e garşy göreş boýunça ýörite wekili Brett Mak Gurkyň hut özüniň gönükdirmeginde Waşington bilen DAIŞ gepleşik etabynda geçen aý Mosul, Telafer, Rakka we Deýrizor hakynda 6 şertnama baglaşdy.

Şertnamalar DAIŞ -e agza terrorçylaryň Rakkadan çykarylmagynyň öwezine Deýrizordaky nebit känleriniň gözegçiliginiň terror guramasy ÝPG/PKK-ä berilmegini göz öňünde tutýar.

Netijede terrorçylar ýaraglary bilen birlikde Rakkadan çykarylady we nebit känleriniň gözegçiligi hem terror guramasy PKK/ÝPG-ä berildi.