Daşary işler ministrligi Erbil, Dohuk we Süleýmaniýe şäherlerine gitjeklere duýduryş berdi
Türkiýe bikanun garaşsyzlyk referendumyny geçiren Yragyň Kürt Awtonomiýasyna syýahat etjeklere duýduryş berdi
Türkiýe bikanun garaşsyzlyk referendumyny geçiren Yragyň Kürt Awtonomiýasyna syýahat etjeklere duýduryş berdi
Daşary işler ministrligi Yragyň Kürt Awtonomiýasynda geçirilen bikanun referendumdan soň ýüze çykyp biljek howplar sebäpli Dohuk, Erbil we Süleýmaniýe şäherlerine gitmegi meýilleşdirýän ýa-da şol welaýatlarda bolýan raýatlara ozal berilen duýduryşy Yragyň merkezi hökümetiniň Kürt Awtonomiýasynyň gözegçiligindäki gümrük geçelgeleriniň we howa menzilleriniň merkezi hökümetiň garamagyna tabşyrmagy baradaky çagyryşyna laýyklykda ýene-de bir gezek beýan etdi.
Beýleki tarapdan Türkiýäniň Erbildäki Başkonsullygy Türkiýeden Erbil we Süleýmaniýe şäherlerine guralýan iki taraply saparlaryň anna güni bes ediljekdigini habar berdi.
Başkonsullykdan berilen beýannamada; “Türk Howaýollary, AtlasGlobal we Pegasus tarapyndan ýurdumyzdan Erbil we Süleýmaniýe şäherlerine guralýan iki taraply gatnawyň bellenen seneden başlap amala aşyrylmağy mümkin bolmaz” diýildi.
Premýer ministr Binali Ýyldyrym hem yrakly kardeşi Haýdar Abadi bilen telefon arkaly söhbetdeşlik geçirip, Kürt Awtonomiýasynda duşenbe güni geçirilen bikanun referendum barada pikir alyşdy.
