Türkiýe Katar krizisiniň çözülmegi üçin tagalla etmäge dowam edýär
Diplomatik çeşmeleriň berýän maglumatyna görä, kabul edilşikde Pars aýlagyndaky soňky wakalar hakynda pikir alyşyldy
Daşary işler ministri Mewlüt Çawuşogly Ministrler kabinetiniň mejlisiniň öňüsyrasynda Saud Arabystanynyň Türkiýedäki Adatdan daşary we Doly ygtyýarly ilçisi Welid Bin Abdülkerim Al Hireýjini, Birleşen Arap Emirlikleriniň Türkiýedäki Adatdan daşary we Doly ygtyýarly ilçisi Halife Şahin Al Marar bilen Bahreýiniň geňeşçisi ilçisi Komail Ahmedi kabul etdi.
Diplomatik çeşmeleriň berýän maglumatyna görä, kabul edilşikde Pars aýlagyndaky soňky wakalar hakynda pikir alyşyldy.
Ministr Çawuşogly kabul edilşikde Türkiýe bilen halkara jemgyýetçiliginiň garaýyşlary bilen birlikde mesele hakynda geçiren telefon arkaly söhbetdeşlikleri hakynda maglumat berdi.
Saud Arabystany, Birleşen Arap Emirlikleri, Bahreýin, Müsür we Ýemen 5-nji iýunda Katar bilen ähli diplomatik gatnaşyklaryny bes edendiklerini mälim edipdi.
Ýurtlarynyň howa giňişligini Katara ýapan Saud Arabystany, Birleşen Arap Emirlikleri we Bahreýin katarly diplomatlaryň 48 sagatda ýurtlaryny terk etmeklerini isläpdi.
Saud Arabystany mundan başgada Kataryň ýeke-täk gury ýer serhedini hem ýapypdy.
Saud Arabystany, Birleşen Arap Emirlikleri, Bahreýin we Müsür tarapyndan çap edilen bilelikdäki jarnamada bolsa Katardan goldaw alýandygy öňe sürülýän Bütindünýä Musulman alymlary bileleşiginiň başlygy Ýusuf Al Karadawi bilen birlikde 59 adam we 12 haýyr sahabat guramasynyň “terror bilen arabaglanşyklydygy” öňe sürlip terror sanawyna alynandygy nygtalypdy.
Katar bolsa ähli aýyplamalaryň asylsydygyny öňe sürdi we ady agzalýan 4 ýurdy “töhmet” atyp ýurtlarynyň mertebesine zeper ýetirmekde günäkärläpdi.
Degişli Habarlar
Numan Kurtulmuş Moskwa Bardy
Numan Kurtulmuşyň, Russiýanyň döwlet Ýolbaşçysy Wladimir Putin bilen hem duşuşmagyna garaşylýar.
